COVID 19 Image

Covid-19 NZ 11 Aukuso 2020

Talofa Niutao i Aukilani mo NZ.

Tenei koa sau foki te famai, koa toka 4 tino ne pokotia kola se ne tino ne omai mai se koga, kae ne tino loa ne nofo i konei. Tenei la e kamata ma taeao te Alert Level 3 lockdown i te itula e 12 tutonu ke oko atu ki te Asolima valuapo, Tino konei ne tino mai lalo i Aukilani ki Saute.

Ko fakamalosi mai foki te nofo i fale, vagana ko laua kola e olo ki sitoa mo fakaimasaki io me galue i galuega kola e taua mo ola o tino.Fakapotopotoga ko tapu mai luga i te 100 tino. Akoga mo galuega valevale ka ‘pono vagana ko galuega kola e taua ki olaga o tino. E tolu aso konei e sukesuke ai te fakalavelave tenei.

Fai talosaga tatou ke tai feoloolo te sauga nei. Masaua te fakalogo e vave ai o lelei te famai. Pei o lua alofi lima mo mea pono gutu mo isu (masks) kae mumulu ke mama lima manafai koulua ne oloolo tele i tua.

Kaati tena mai konei kae alolofa atu te taipola a te fenua o Niutao i Aukilani nei ki sose Niutao salalau, kae maise laua konei e nofo i Aukilani nei.

Share this post

Share on facebook
Share on google
Share on twitter
Share on linkedin
Share on pinterest
Share on print
Share on email